مكونات عملية الاتصال
1-المصدر: الشخص الذي يرسل الرسالة.
2- الرسالة: الموضوع المرسل.
3- الوسيلة: مثل الجريدة و التلفزيون.
4-المستقبل: الي توصله الرسالة.
5-رجع الصدى: ردة الفعل مثل التعليق على
الرسالة والرد عليها يمكن يكون ايجابي أو يكون سلبي أو محايد
مثال : (ردة فعل الشباب يوم عرفوا إن الامتحان
بكرة).
6-التأثير: التغيير الي تسويه الرسالة ولازم
يكون له هدف.
مستويات الإتصال:
1-ذاتي: تقييمك لرسالتك وموضوعك بينك وبين
نفسك. وتكون انت المرسل والمستقبل بنفس الوقت.
2-مواجهي: بينك وبين أشخاص آخرين ( محاضرة أو
درس) ما يكون عددهم فوق 500 (على حسب القاعة).
3-جمهور: تكون أغلبها بالتلفزيون والملايين
يتابعونك. ولازم تكون احترافية
.
الحين لو دمجنا نوعين من الاتصال يعني يصير
على مرحلتين الإتصال الجمهور و اتصال المواجهي (مسرح وجمهور والناس على الشاشات يتابعونه بعد).
يكون فيه تجاوب وأقرب أكثر وتسمع ردة الفعل (تعليق الجمهور على
المسرحية) وتنشر المعلومات فيه أكثر.
يصير معنا نظرية اسمها( متعددة المراحل) = (اتصال
جمهوري+اتصال مواجهي)
وهذا يعني ربح أكثر ولازم يكون الوقت مناسب
لنشر الرسالة... ص45-46 من المذكرة.
4-اتصال تنظيمي: داخل تنظيم ..بين المدير و الموظفين
.. والاتصال الصاعد يكون من العاملين إلى
المدير.. والهابط من المدير إلى العاملين.
عوامل نجاح الاتصال:
_المصدر الناجح: الشخص الذي يرسل الرسالة يجب
أن يكون ناجح. لازم يحدد هدفه, ويسأل نفسه شنو الفائدة وليه أنا أرسل الرسالة .و لازم
يتدرج مع الناس ويكون صادق عشان يكون ثقة بينهم وبينه., لازم عنده مهارات اتصالية.,
يكتب ويقرأ .ويضع نفسه مكان الناس.
_الرسالة الناجحة: لازم يكون لها معنى وفكرة
مرتبة وتكتب بلغة واضحة وسهلة مو معقدة
ولطيفة ولا تكذب عليهم. .ونعرف ثقافة الجمهور وطبيعته....ويكون وقتها ممتاز, مثل
وقت المغرب قبل الفطور في رمضان..
_الوسيلة الناجحة : وسيلة تكون ممتازة ولا
تشوش وتكون سريعة وواضحة..
_المستقبل: لازم نعرف الجمهور ولغته ومستوى
الفهم عنده وثقافته والأماكن الي يتواجد فيها.
_رجع الصدى: الاستجابة عقلية(رأي معين) أو جسدية (مظاهرة!!) .. _التأثير: يجب أن يكون
هدفها نبيل وتغيير في الناس.
عوائق الإتصال: تغييرات تعيق تبادل المعلومات
والإتصال نفسه. وتشويه على الجمهور.
ويمكن المشكلة في أحد مكونات الإتصال الستة
الي ذكرتهم (المصدر والرسالة و...)
1-تشويش مادي: مشكلة فنية, يمكن خلل فني ( الكامرة
تنكسر..الشاشة تقلب ويصير لونها أزرق)
وهذا سهل جدا نعرفه وسهل نعالجه.
2-التشويش على المعنى: هذا خطير لأن يمكن
القناة نفسه تنقلك أخبار كاذبة وتتعمد تشوش على المعلومة ويضيع المعنى الصح..وصعب
تتخلص منه لو ظهر
.
عوائق مكونات الاتصال
:
_المصدر: يكون متكبر وما يتكلم بنفس اللغة
واللهجة(ورافع خشمه)..ويخربط بالكلام.والنية الخبيثة.
_الرسالة :الرسالة تكون غامضة ومو
واضحة.وكثرة الكلام في الرسالة مو زين.(عكس مقومات النجاح الي ذكرتها).والرسالة
معقدة.
_الوسيلة: (عكس مقومات النجاح)..
_المستقبل: تكون نفسيته تعبانة..وسوء الفهم
له والشك. .
_رجع الصدى:
1-الاستجابة غير مناسبة.
استجابة هامشية: الرد بعض المرات ما يكون له
علاقة بالموضوع
استجابة مقاطعة: هي إنه يقاطع الشخص وما
يخليه يكمل الرسالة مالته.
والاستجابة الدفاعية: مثل لو تعارض أي شخص
يقوم عليك معصب وما يرضى يسمع منك زيادة.
استجابة ملموسة : تغيير الموضوع لكن بطريقة
محترمة أكثر من الاستجابة الهامشية.
استجابة غير متطابقة: ما يرد عليك مثل ما أنت
تكلمه. وهذه مشكلة بينكم يعني محد يقدر يوصل رسالته للآخر
استجابة التقيمية: ما يرد على موضوع الرسالة
عشان يبي يغير الموضوع
2-صراع: يؤدي إلى الإستسلام والإنسحاب
والعدوان وردود الفعل المبالغ فيها والتعصب..
ليست هناك تعليقات:
إرسال تعليق